AUDIO EXPERT е единствената фирма во Македонија која при изработката на сопствените звучници употребува научни методи, верификувани со мерења со сопствени професионални уреди за акустички мерења. Ќе ги наброиме само најважните достигнувања на Владимир Филевски, сопственикот на АУДИО ЕКСПЕРТ:
- Во декември 1995 година Владимир Филевски во списанието ЕМИТЕР го објави текстот „Компресиони звучни кутии“, каде за прв пат на македонски јазик беа објаснети Thiele-Small параметрите на звучниците и постапката како да се проектира компресиона (затворена) звучна кутија;
- Во 1996 година Владимир Филевски во списанието ЕМИТЕР (броеви 1-2/96 и 3-4/96) ги објави двата дела од текстот „Пасивни свртници за звучни кутии“, каде за прв пат на македонски јазик беа објаснети формулите и постапката за проектирање на свртници за звучници;
- Во 1997 година Владимир Филевски го купи CLIO - првиот професионален уред за акустични/аудио мерења во Македонија. Навистина е несфатливо како е можно еден „аматер“ прв во Македонија да купи и да употребува ваков професионален уред, а сите останати „професионални“ фирми за аудиотехника во Македонија да немаат такво нешто!
- Во 1998 година Владимир Филевски во списанието ЕМИТЕР објави серија текстови „Бас-рефлекс звучни кутии“, каде за прв пат на македонски јазик беше објаснета постапката за проектирање на бас-рефлекс звучни кутии со користење на Thiele-Small параметрите на звучниците;
- Од 1998 година па до денес, Владимир Филевски во списанието ЕМИТЕР објави повеќе проекти за самоградба на звучници, сите верификувани со мерења со професионалниот уред CLIO. За пример, би можеле да го издвоиме проектот „High-End Monitor SEAS 17“, објавен во ЕМИТЕР од април 2005 година. Тоа е звучник од висока класа, со измерена рамна фреквенциска какрактеристика во опсегот од само +/- 1,5 dB!
- Во 1997 година, Владимир Филевски во списанието ЕМИТЕР ги објави првите во Македонија слепи слушни тестови на hi-fi уреди;
Текстовите од Владимир Филевски од областа на аудиотехниката објавени во списанието ЕМИТЕР можете да ги најдете на овој линк, потоа тука и во рубриката писма.
На заинтересираните за НЛО (UFO) и за граничните подрачја на науката (пирамиди, телепатија, ...) препорачуваме да ја прочитате бурната полемика меѓу Стојмир Симјаноски и Владимир Филевски во фељтоните „Мистеријата на НЛО“ и „Мистерии на науката“, објавени во следниве броеви на ЕМИТЕР.
- Владимир Филевски е единствениот во Македонија кој има објавено научни трудови на светско ниво, од областа на аудио техниката:
- V. Filevski: "A Dipole Multimedia Loudspeaker", 120th Convention of the AES, Paris, May 2006.
Конгрес на Audio Engineering Society (AES) во Сан Франциско 02-05.10.2008.
Од лево на десно: Don B. Keele, Richard Small, и мојата маленкост.
